प्रदूषण का मारा ... कविता ---डा श्याम गुप्त....

      प्रदूषण का मारा.....

        ( बृज भाषा )

हे बगुला ! तू कारो क्यों है ,

सूखौ ढीलौ ढालौ क्यों है ?

कितै गईं वे उजरी पंखियां ,

चौंच नुकीली तीखी अँखियाँ ||

दर्द तिहारौ दयौ , भला अब -

पूछत हौ दुःख भरी कहानी |

नदिया ताल नहरि पोखरि कौ,

तुमनै कियौ प्रदूषित पानी ||

मछरी कबहुं कबहुं मिलि जावे ,

कहाँ  प्रदूसन मैं पलि पावै |

कारन है जानौ पहचानौ,

भूखौ रहिबौ, दूषित खानौ ||

ताल- तलैया पाटि दये हैं ,

दूर दूर  उडि कै जाऊं मैं |

धुंआ डीज़ल मिली हवा में ,

पांखें कारी  करि लाऊँ मैं ||

खानौ पीनौ सब जहरीलौ,

क्यों न बदन हो सूखौ ढीलौ |

मंद भईं अँखियाँ चमकीली ,

कहा करै अब चौंच नुकीली ||